भिगवण:
ग्रामदैवत श्री भैरवनाथ मंदिर येथून या फेरीला सुरुवात झाली. यात लहान मुलांनी छत्रपती शिवाजी महाराज, छत्रपती संभाजी महाराज आणि राजमाता जिजाऊ यांची रूपे साकारली होती. ही प्रभात फेरी भैरवनाथ मंदिरापासून निघून विघ्नहर्ता चौक, जाणता राजा चौक आणि श्रीनाथ चौक अशा मार्गाने मार्गस्थ झाली.
कलागुणांचे प्रदर्शन :
चौकाचौकांमध्ये मुलांनी आपल्या सुप्त गुणांचे दर्शन घडवले:
* मुले: दांडपट्टा, लाठीकाठी आणि विविध शारीरिक कसरती.
* मुली: फुगड्या, लेझीम आणि घोषणाबाजी.
* वक्तृत्व: कुमारी संस्कृती सचिन वाघ हिने शिवचरित्रपर प्रभावी भाषण करून उपस्थितांची मने जिंकली.
* यशराज धवडे, विश्वराज धवडे, स्वरा व शिव गायकवाड, रितिका जांभले, शुभ्रा गाडे, आर्यन माने, माही थोरात, मृणाल बोत्रे, अनुराज धवडे, विराट बाबर, सारंग उंडाळे आणि रोहन गुंदेचा या मुलांनी विविध प्रात्यक्षिके सादर केली.
"तंत्रज्ञानाच्या युगात मुले पारंपरिक खेळ विसरत चालली आहेत. बालसंस्कार वर्गाच्या माध्यमातून नीतिमूल्ये, सर्वांगीण व्यक्तिमत्व विकास आणि अध्यात्माची गोडी निर्माण करण्याचा आमचा प्रयत्न आहे. श्लोक व स्तोत्र पठणामुळे मुलांची एकाग्रता वाढत आहे."
— सौ. मेघाताई शेलार (प्रतिनिधी, बालसंस्कार वर्ग)
या उपक्रमाला सुज्ञ पालक श्री. तुकाराम धवडे यांचे विशेष सहकार्य लाभले. तसेच सहप्रतिनिधी सौ. धनश्रीताई गुरव, श्री. सचिन जांबले, सौ. शितल जांबले, सौ. तृप्ती गायकवाड, सौ. वर्षा माने आणि अंगणवाडी शिक्षिका नंदिनी भोसले मॅडम यांनी फेरीच्या नियोजनात मोलाचा वाटा उचलला. पालकांच्या उत्स्फूर्त प्रतिसादामुळे हा सोहळा यशस्वीरित्या संपन्न झाला.
إرسال تعليق